ފޮރިން މިނިސްޓަރު އިރުތިޝާމް އިރާޤުގައި

ފޮރިން މިނިސްޓަރު އިރުތިޝާމް އާދަމް އިރާޤުގެ ވެރި ރަށް ބަޣުދާދަށް ވަޑައިގެންފި އެވެ.

ފޮރިން މިނިސްޓަރު އިރުތިޝާމްގެ މި ދަތުރުފުޅަކީ، އިރާޤުގެ ވެރިރަށް ބަޣުދާދުގައި ކުރިއަށްދާ އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ)ގެ ފޮރިން މިނިސްޓަރުގެ ބައްދަލުވުމުގައި ބައިވެރިވެ ވަޑައިގެންނެވުމަށެވެ. އޯއައިސީގެ ފޮރިން މިނިސްޓަރުންގެ 52 ވަނަ ބައްދަލުވުން ބަޣުދާދުގައި ފަށާފައި ވަނީ ހޮނިހިުރު ދުވަހު އެވެ،

އޯއައިސީގެ ފޮރިން މިނިސްޓަރުންގެ ބައްދަލުވުމުގައި ބައިވެރިވެ ވަޑައިގެންނެވުމަށް ފޮރިން މިނިސްޓަރު އިރުތިޝާމް އިރާޤަށް ވަޑައިގެންނެވުމުން، އެކަމަނާ އަށް މަރުޙަބާ ދެންނެވީ އިރާޤުގެ ޕޮލިޓިކަލް ޕްލޭނިންއާ ބެހޭ އަންޑަ ސެކްރެޓަރީ ސަފީރު އަޙްމަދު ނާއިފް އެވެ. އޯއައިސީގެ ފޮރިން މިނިސްޓަރުންގެ ބަައްދަލުވުން ކުރިއަށްދާނީ ދެ ދުވަހުގެ މުއްދަތަކަށެވެ.