ވަޒީފާއާ ބެހޭ ޓްރައިބިއުނަލްގެ މެމްބަރު ސައުސަން ނިޔާވެއްޖެ

ވަޒީފާއާ ބެހޭ ޓްރައިބިއުނަލްގެ މެންބަރު ފާތިމަތު ސައުސަން މިއަދު ފަތިހުގެ ވަގުތެއްގައި ނިޔާވެއްޖެ އެވެ.

ސައުސަން ނިޔާވީ ބޭސްފަރުވާއަށް އިންޑިއާއަށް ވަޑައިގެން އުޅުއްވަނިކޮށެވެ. އޭނާ ނިޔާވިހަބަރު، ވަޒީފާއާ ބެހޭ ޓްރައިބިއުނަލްގެ ނައިބު ރައީސް އަޙުމަދު މަމްދޫހް ވަނީ އެކްސްގައި ކުރެއްވި ޕޯސްޓެއް މެދުވެރިކޮށް ކަށަވަރުކޮށްދެއްވާފަ އެވެ.

އިންޑަސްޓްރިއަލް ރިލޭޝަން ޑިވިޝަންގެ މެންބަރުގެ މަގާމުގައި ހުންނެވި ސައުސަން، ޓްރައިބިއުނަލަށް އައްޔަންކުރެއްވީ 2024 ވަނަ އަހަރުގެ އޮކްޓޫބަރު މަހުގެ 20 ވަނަ ދުވަހުއެވެ.