ކުރީ ފުރޮޅު ހިއްލައިގެން ސައިކަލު ދުއްވި މީހަކު ޖޫރިމަނާކޮށް، ސައިކަލު ޓޯކޮށްފި

ނުރައްކާތެރިކޮށް ސައިކަލު ދުއްވި މީހަކު ޖޫރިމަނާކޮށް، އޭނާ ދުއްވި ސައިކަލު ޓޯކޮށްފި އެވެ.

ފުލުހުން ބުނެފައި ވަނީ ހުކުރު ދުވަހުގެ ރޭ 10:30 ހާއިރު، ހުޅުމާލޭ ފޭސް އެކެއްގައި އާންމު ރައްޔިތުންނަށް ބިރުވެރިކަން އުފެދޭ ގޮތަށް ސައިކަލު ދުއްވި މީހަކާމެދު ފިޔަވަޅު އަޅާފައިވާ ކަމަށެވެ. އެގޮތުން އޭނާ ޖޫރިމަނާ ކުރުމާއެކު، ފުލުހުން ވަނީ އެ ސައިކަލު ޓޯކޮށްފައި އެވެ. ފުލުހުން ބުނީ އެއީ އުމުރުން 20 އަހަރުގެ މީހެއް ކަމަށެވެ.

މީގެ އިތުރުން ފުލުހުން ބުނެފައި ވަނީ އޭނާ ސައިކަލު ދުއްވީ ކުރީ ފުރޮޅު ހިއްލައިގެން ނުރައްކާތެރިކޮށް ކަމަށާއި، އޭނާ ސައިކަލު ދުއްވީ ހުޅުމާލޭ ފޭސް އެކެއްގެ ކިނބިގަސްމަގު ފްލެޓު 13 ކައިރިން ދެކުނުން އުތުރަށް ކަމަށެވެ.

ނުރައްކާތެރިކޮށް ސައިކަލު ދުއްވައިގެން ފުލުހުން އޭނާއާ މެދު ފިޔަވަޅު އަޅާފައިވާއިރު، މިފަދަ މައްސަލަތަކުގައި ދޭތެރެއިން ފުލުހުން ފިޔަވަޅު އަޅަ އެވެ.